🕵🏼‍♀️ PROXECTOS DO CURSO 2025-26 DO 1º CICLO 🕵🏽‍♂️

Durante todo o curso, o alumnado do 1º ciclo estivo investigando sobre as diferentes tradicións da nosa contorna: cancións, persoaxes, lendas, lugares, festas, etc..  Fixemos unhas pescuda moi concienzuda en tódalas fontes que vos poidades imaxinar: xornais, radio, televisión, internet, familias, persoas expertas, no propio entorno, etc..

Para rematar por crear un marabilloso conto con monicreques sobre a importancia de conservar o noso legado (alumando de 1º):

E unha xincana sobre as festas máis importantes da parroquia e os seres mitolóxicos que viven e coidan o Monte Galiñeiro (alumando de 2º):

Foi espectacular, e o esforzo mereceu a pena! Parabéns compis!

🌳 SAÍDA FIN DE CURSO AO PARQUE FORESTAL DE SAIÁNS 🌲

Para festexar o fin de curso, primeiro ciclo decidiu botarse fóra do cole e nada mellor que poñerse á sombra de especies autóctonas e tradicionais da nosa contorna no Parque Forestal de Saiáns.

Un entorno marabilloso na mellor das compañías, case se nos olvida que ía moita colar! 🤭

 📖 PARA APRENDER A LER TAMÉN HAI QUE SABER...

Este curso, puidemos participar en propostas moi variadas para facer fronte á lectura dun xeito máis divertido, variado e diverso. E para mostra, un botón!

FACER PESCUDAS E INVESTIGACIÓNS NO MEDIO AUDIOVISUAL:

COMpARTIR A MOCHILA VIAXEIRA:

GRAVARNOS POÑENDO VOZ ÁS NOSAS IMAXES:

FACER ENQUISAS:

 

FACER ENTREVISTAS:

CREAR HISTORIAS TOLAS:

APRENDER A RECITAR EN LINGUA DE SEÑAS ESPAÑOLA:

INVESTIGAR NO XORNAL:

PRACTICAR CÍRCULOS DE LECTURA SOBRE AS LENDAS DE GALICIA:

Practicamos o apadriñamento lector cos nos@s compis de ciclo:

 

⛰️ SAÍDA POR VINCIOS: O QUE OS OLLOS NON VEN ⛰️

O pasado día 29 de maio saimos a coñecer máis a fondo a nosa contorna: a parroquia de Vincios. Como nas aulas ía moita calor, saimos de boa hora para recoñecer o camiño que facemos por separado tódalas mañás para vir ao cole, pero facendo as nosas paradas de rigor: Cemiterio, Capela de Santa Lucía, O Torreiro da Festa e o seu Cruceiro, A tenda de Chus, O Peto de ánimas, a Reitoral, a Igrexa de Santa Mariña (que tan amablemente nos abriu Avelino, o sacristán) e o Centro Cultural. Son sitios que coñecemos pero que poucas veces compartimos tod@s xunt@s!

Unha mañá estupenda!

 🎉FESTEXAMOS AS LETRAS GALEGAS NO 1º CICLO 🎉

Seguindo na liña da investigación sobre as nosas tradicións e raíces culturais, que mellor que estas dúas propostas. 

Para abrir boca contamos coa actuación estelar do alumnado de 1º, que nos deleitou coa canción Catro cousas, de Caamaño&Ameixeiras con Rodrigo Cuevas, todo un pracer para os sentidos:

E para rematar, o alumnado de 2º non quixo romper coa tradición de cantar, signar e bailar unha canción, así que desta ocasión escolleu unha da Coral Cantares do Brion, chamada Un día. 

Non vos perdades a despedida, que foi ao estilo dun grupo da comarca ao que nunca se lle pode perder a pista: Dakidarría, da man da canción Sobran as palabras.

 🧳MOCHILA VIAXEIRA DE 2º EP🧳

Este curso tivemos a sorte de incorporar as lecturas recomendadas de Librincios para viaxar ata casa, poder crear coas nosas propias mans lendas da nosa contorna empregando LEGO! Vaia creacións tan chulas nos quedaron!

🐣🏃🏽🏃🏻‍♀️XINCANA DE PASCUA🐣🏃🏻‍♀️🏃🏽

Como xa vén sendo tradición, non quixemos dar por pechado o segundo trimestre sen levara participar na Xincana de Pascua de 2º EP. 

 🌺Obradoiros de Primavera🌺

Que mellor xeito para darlle a benvida a unha nova e solleira estación, que comezala xunt@s e de troula!

🙌🏾 BOTÁMOSLLE UNHA MAN A CANTARES DO BRIÓN 🙌🏼

O pasado sábado 14 de marzo, parte do alumnado de 2º de EP tivo a honra de colaborar o Coro Tradicional de Cantares do Brión! Levamos meses practicando e perfeccionando unha canción que a nosa compi Cora nos ensinou con moita paciencia e agarimo.

E por fin chegou o día. Despois de coñecer á Garza e ao Brión e de gozar da súa magnífica música e de ver a nosa compi Cora e a súa irmá interpretar varias cancións, subimos ao escenario tan nervios@s como preparad@s e deixamos ao público pampo! 

Foi un pracer compartir esta primeira actuación do ano con el@s e quen sabe... poida que sexa o principio dunha moi fermosa e longa amizade! Un espectáculo para non perderso!

🎉ENTROIDO Á OURENSÁ🎉

Este ano, como estamos metidos e metidas de cheo na tradición do noso país, escollemos a provincia de Ourense para investigar sobre o Entroido.

En 1º EP decidimos sucumbir aos encantos do Triángulo Máxico, e disfrazámonos das Pantallas de Xinzo. Gozamos moito preparando os nosos disfraces e aprendendo moito sobre os seus rituais e significados.

En 2º EP metémonos de cheo no Oriente Ourensán para investigar sobre un Entroido recén declarados de Interese Nacional. E como son moitos e moi variados, escollemos o Entroido de Buxán, co seu folión e as súas Mázcaras.

Espero que o vos o gozarades tanto coma nós!

🎙️ 2º NO AIRE 🎙️

No mes da radio, o alumnado de segundo aproveitou para publicar os resultados dunha enquisa moi festiva: Enquisa sobre o Nadal.

Despois de comapartir as nosas experiencias quixemos saber cales eran os gustos máis repetidos na aula. Así que deseñamos, aplicamos e analizamos a nosa primeira enquisa.

E grazas ao profe Xurxo puidemos publicar os resultados nunha emisión de radio. Xa estamos pensando en repetir.

Seguimos a nosa andanza na radio durante este mes coa emisión que conmemora o día de Rosalía, ademais de fornear e degustar un riquísimo Pan de Millo feito cos nosos padriños e madriñas e compis de 6º!

E que mellor para rematar o curso coas nosas emisións de radio cunha tanda de entrevistas de investigación para o noso proxecto: FESTEXAVINCIOS!

 

🚌 SAÍDA Á VIGO: A galiña azul 🚌

O día 21 de xaneiro, tivemos a gran sorte de poder ver unha obra de teatro baseada na obra dun dos grandes autores galegos: A galiña azul. Unha peza que nos fixo empatizar e reflexionar coas persoas que temos por diferentes á nosa cultura e coas que convivimos no noso día a día.

Como non podía ser doutro xeito, entre treboada e treboada, aproveitamos para pasear pola cidade de Vigo. Aproveitamos para visitar o mercado do progreso onde as súas persoas traballadoras nos explicaron o seu día a día e quefaceres. 

Diante de tanta comida aproveitamos para merendar.

E como non podía ser doutro xeito, fomos a visitar o concello, no que se levan a cabo moitas activiades, pero tamén acolle ao alcalde da cidade. 

 

  

Como a choiva non deu tregua, demos por finalizada a nosa visita antes do previsto pero pensando xa na seguinte saída!

🎄 NADAL EN GONDOMAR 🎄

Como xa vén sendo tradición, este ano non podía faltar a nosa visita á Gondomar por Nadal. Aínda que foi algo pasada por auga, non deixamos paso sen dar e agradecémoslle moito á nosa persoa experta de cabeceira do concello: á profe Ana Iglesias, que sempre atopa un ratiño para virnos a ver. Así dá gusto! 

Bo Nadal, familias!

🚸 20N_Día Internacional dos Dereitos da Infancia 🚸

Este curso, aínda que o que máis nos vai son as lendas e os contos, non queremos deixar de prestar atención á realidade que nos rodea, especialmente á das persoas máis próximas á nós: os nenos e nenas.

Este ano, estamos con tódolos nenos e nenas que se ven obrigados a migrar por razóns climáticas, económicas, laborais, sociais, de identidade, relixión, crenza ou pensamento e tamén aquelas que son víctimas de xenocidios. 

Así que para conmemoralo puxémonos mans a obra elaboramos unhas chapas coas que reivindicar o respecto e a igualdade para toda a infancia.