🌳 SAÍDA FIN DE CURSO AO PARQUE FORESTAL DE SAIÁNS 🌲
Para festexar o fin de curso, primeiro ciclo decidiu botarse fóra do cole e nada mellor que poñerse á sombra de especies autóctonas e tradicionais da nosa contorna no Parque Forestal de Saiáns.
Un entorno marabilloso na mellor das compañías, case se nos olvida que ía moita colar! 🤭
⛰️ SAÍDA POR VINCIOS: O QUE OS OLLOS NON VEN ⛰️
O pasado día 29 de maio saimos a coñecer máis a fondo a nosa contorna: a parroquia de Vincios. Como nas aulas ía moita calor, saimos de boa hora para recoñecer o camiño que facemos por separado tódalas mañás para vir ao cole, pero facendo as nosas paradas de rigor: Cemiterio, Capela de Santa Lucía, O Torreiro da Festa e o seu Cruceiro, A tenda de Chus, O Peto de ánimas, a Reitoral, a Igrexa de Santa Mariña (que tan amablemente nos abriu Avelino, o sacristán) e o Centro Cultural. Son sitios que coñecemos pero que poucas veces compartimos tod@s xunt@s!
🚌 SAÍDA Á VIGO: A galiña azul 🚌
O día 21 de xaneiro, tivemos a gran sorte de poder ver unha obra de teatro baseada na obra dun dos grandes autores galegos: A galiña azul. Unha peza que nos fixo empatizar e reflexionar coas persoas que temos por diferentes á nosa cultura e coas que convivimos no noso día a día.
Como non podía ser doutro xeito, entre treboada e treboada, aproveitamos para pasear pola cidade de Vigo. Aproveitamos para visitar o mercado do progreso onde as súas persoas traballadoras nos explicaron o seu día a día e quefaceres.
Diante de tanta comida aproveitamos para merendar.
E como non podía ser doutro xeito, fomos a visitar o concello, no que se levan a cabo moitas activiades, pero tamén acolle ao alcalde da cidade.
Como a choiva non deu tregua, demos por finalizada a nosa visita antes do previsto pero pensando xa na seguinte saída!
🏃🏻♀️🏃2º BOTOU A CORRER🏃♀️🏃🏽
O pasado xoves día 16 de outubro, o alumnado de 2º EP estreouse no Cross Escolar do Val Miñor, e fíxoo ao grande... Non había suficiente praia da Ladeira en Baiona para correr! Corremos, rimos, merendamos, xogamos e pasámolo en grande, en compañía do profe Miguel e da profe Eva!
💚 🌳 SAÍDA FINAL DE CURSO 2024-25: CORAZÓN DE CARBALLO 🌳 💚
O pasado día 5 de xuño fixemos a nosa saída final de curso, e que mellor, que no día do MEDIOAMBIENTE, pasalo nunha experiencia inmersiva na natureza, rodead@s de animais, prantas e demais seres vivos autóctonos! Aquí podedes ollar un chisquiño de todo o que vivimos.
🫂 ACOLLIDA AS NOSOS FUTUROS COMPIS DE CICLO 🫂
O pasado martes día 3, coincidindo coa semana do medio ambiente e co final de curso, o alumnado de 1º ciclo xuntouse co alumnado de 5 anos para xogar, rir, bailar, cantar e soñar xuntos e xuntas. Foi a nosa forma de darlle a benvida a uns cativos e cativas que están a punto de dar o salto de etapa.
E ollo que isto promete...
🎣 VISITA Á LONXA DE CESANTES 🦑
O pasao 28 de abril, mentres medio país estaba co corazón nun puño polo apagón, nos puidemos gozar dunha saída moi interesante á Cesantes: recoñecemos animais da nosa contorna, coñecemos artes de pesaca variadas e ata probamos o duro que é o marisqueo. Pero como todo esforzo ten a súa recompensa, puidemos probar tamén algunhas tapiñas froito do noso suor! Unha mañá moi completa.
⚓️ VISITA AO MUSEO DO MAR DE VIGO ⚓️
O día 3 de abril visitamos o Museo do Mar de Vigo, e aínda que a mañá comezou pasada por auga, tamén soubemos aproveitar as raiolas de sol que bañaron a contorna.
Investigamos sobre a Prehistoria e o seu modo de vida e tamén sobre os pobos Castrexos, buscamos peixes e demais fauna mariña. Ata tivemos tempo de xogar cunhas vistas incomparables.
🏖️ SAÍDA FINAL DE CURSO: BAIONA ALÁ IMOS! 🏖️
Unha despedida do curso por todo o alto.
🏘️ SAÍDA POLA PARROQUIA DE VINCIOS 🏘️
O pasado 11 de xuño o alumnado de 1º ciclo quixo darlle a benvida ao futuro alumnado de 1º de EP: os nenos e as nenas de 6º de educación infantil. E nada mellor que comezar cuns xogos ao aire libre nos que presentarnos e divertirnos.
Comezamos a nosa andaina pola beira do río Zamáns para depositar o lixo no lugar que lle corresponde: os colectores de lixo.
E despois de tanto traballiño, so podiamos pensar na merenda... e na troula!
De volta no cole aproveitamos para limpar o noso patio e explorar novos xogos en compañía.
Fixádevos ben, canto lixo recollemos: 7 quilos!
