A realidade parece que é outra , nós rematamos igual que empezamos, en burbullas pero moi contentos por chegar xuntos ata ou final e cheos de plans para facer en vacacións .
Engadimos uns xogos e recursos por idades e temáticas para pasar un ratiño e ...
Que disfrutedes tod@s moito deste merecido tempo de lecer !
Hoxe os alumnos de 1º e 2º fixemos un percorrido polo zoo de Vigo.
A visita guiada non só foi unha explicación sobre as diferentes especies que habitan en Vigozoo, senón tamén que coñecemos porque están aquí a maioría dos animais, moitos deles víctimas de maltrato.
Contáronnos as súas tristes vidas
,maltratadas con mil perrerías nos circos ou en cautividade por persoas sen
conciencia que mutilaron a súa capacidade de vivir en liberdade e que se non
recibirán os coidados do persoal do zoo non serían quen de sobrevivir .
A nosa guía complementou a visita ensinándonos e explicándonos características de cornamentas de varios animais e ... ata puidemos tocar unha púa enorme dun porco espiño.
Pasóusemos a mañá voando !
Hoxe celebramos o noso Festival das Letras con moita ilusión de todos por poder estar xuntos , aínda non revoltos, actuando fenomenal e presenciando en directo as estupendas actuacións dos nosos compañeiros .
Aqui tedes unhas fotiños da celebración e a montaxe de video de todas as actuacións e da entrega de premios dos concursos deste trimestre.
E ... parabéns as gañadoras do noso ciclo ,polo merecido premio no concurso literario "Xoaniña" deste ano.
Hoxe o Equipo da Biblioteca percorreu as aulas do cole para contar o conto " FONCHITO Y LA LUNA " de Mario Vargas Llosa con motivo do DÍA DO LIBRO.
Tedes aquí un video deste precioso conto se clicades na portada do libro e unhas fotiños coas máns na masa, conmemorando este día.
Un curso máis chegou o Entroido e este ano… tivemos que celebralo dun xeito diferente.
Grazas ao tempo e esforzó adicado polo Equipo directivo , o
Equipo de “Tiroliro “ e os que sempre están, para botar unha mán nas datas sinaladas … os demais puidemos desfilar para
ensinar os nosos disfraces, enchendo por un tempo o noso patio de música, baile e
coloridos disfraces.
Aquí tedes unhas montaxes de fotos e video do breve pero fantástico desfile do cole.
O 30 de xaneiro celébrase este día, dedicado a conmemorar nos centros educativos unha cultura de non violencia e paz.
Sen dúbida o que tentamos fomentar todos os días... unha educación inspirada nunha cultura de non violencia e
paz que permita ao noso alumnado adquirir coñecementos, actitudes e competencias
que reforcen o seu desenvolvemento como cidadáns globais críticos e
comprometidos cos seus dereitos e os doutras persoas.
Este curso como a situación de pandemia invade todo … grazas ao cole por unhas horas case que logramos esquecer a crua realidade que temos ao redor, inmersos nas rutinas diarias dás aulas, aínda así , os nosos pequenos nos fan saber canto desexan volver a ter
xuntanzas cos seus amigos e familiares .
O equipo dá biblioteca
contou este contiño " Hasta que podamos abrazarnos ", con motivo desta data sinalada, cheo de
boas propostas para
facer mentres non
podamos xuntarnos ou achuchar aos que
máis botamos de menos.
Deixámosvos aquí a montaxe con todos os traballos presentados ao primeiro concurso de Librincios deste curso no que tamén se animaron a participar alumnos/as de 1º e 2º cuns fantásticos relatos terroríficos.
Esperando a complicada decisión do xurado para decidir os gañadores ...
 |
Hoxe lembrando o " Día dos dereitos da Infancia"...
A profe Elena arrincounous máis dun sorriso con este video dos nosos nen@s.
" Unha das cousas máis afortunadas que nos poden suceder na vida e ter unha infancia feliz"
Parabéns aos nosos tesouros que tantas veces nos fan rir .
Se clicades👉 aquí ou entrades no blogue de música poderedes ver e escoitar aos músicos do cole no seu "Concerto santa Cecilia " Uns artistazos !Así foi o Samaín do Serra este curso.
Aquí deixámosvos algunhas fotos de todos os compañeiros do cole que subimos a celebrar o MAGOSTO este curso no Galiñeiro e que compartimos xuntos esta data pero ... non revoltos, como non puido ser doutro xeito dadas as circunstancias nas que estamos inmersos.
Por unhas horas case que esquecemos todo e puidemos disfrutar de moito xogo e aire libre nesta fermosa paixaxe da nosa contorna.
Comezamos un novo curso escolar, cunha emocionada benvida a todos os que formades parte do noso colexio despois de case seis meses coas portas pechadas por mor da pandemia.
Este curso cheo de incertezas vai ser moi especial e todos teremos que poñer da nosa parte para que o día a día resulte o mellor posible dentro das circunstancias que nos toca vivir.
Calma e ánimo que aínda nos queda moito por compartir !
