UN NADAL DIFERENTE !

      Como xa sabemos todos a situación na que estamos, este último mes  ... 

    O noso festival de panxoliñas resultou estraño, entre altas e baixas dos alumn@s  e que algúns xa non se incorporan ata xaneiro, decidimos  o venres aproveitando o bo tempo, gravar no exterior algunhas actuacións  cos alunmos que asistiron ese día.

        Os nenos de do 1º Ciclo , botando moito  de  menos aos  compañeiros  que  faltaban ,  cantaron cos seus desexos cheos de ilusión e esperando que a volta das vacacións podamos estar todos xuntos de novo.

                                         BO  NADAL  A  TOD@S !

 Aquí deixo un enlace con xogos relacionados co Nadal para pasar un ratiño.

SESIÓN DE PINCHADISCOS

       Despedimos o trimestre cunha sesión de pinchadiscos a cargo de MariFaltri  que grazas a ANPA fixo sonar temas da música infantil galega para que remataramos o trimestre bailando.

Ao termino da sesión entregouselle ao alumnado o agasallo dun libro .

O que nos teña que pillar que nos pille  bailando !

Na web do cole tedes un video da sesión con todo o alumnado.

O NOSO MAGOSTO

    Un curso máis celebramos o noso magosto no monte Galiñeiro.

    Ata que chegou o momento de saborear as castañas que asaron os afumados profes durante toda a mañá,  enchémolo tempo con xogos , camas de follas e lidando entre as rochas.

   Sorte tivemos de disfrutar ao aire libre desta celebración cun solleiro día de outono.

CHEGOU O SAMAIN

    Por fin  despois de estar toda a semana  atarefados entre  contos , receitas, esqueletos,  cancións, cestas e  cabazas  chegou a posta en escea no cole  do  noso Samaín.

    Nos  blogues de aula e  do cole  engadiranse  algunhas  montaxes  deste día e  mentres un aperitivo  do  medo tremendo que pasamos con estes  rapaciñ@s tan  ben disfrazados que daba  medo velos.

Lembrade o concurso de "FOTOS TENEBROSAS" convocado por 👉 Librincios  no que podedes participar ata o día 19 de novembro enviando as vosas fotos.

Xogos relacionados con estas datas para pasar un ratiño. Preme na imaxe e escolle un xogo.👇

INDO PARA O SAMAÍN

 -Samaín, genially con actividades sobre o texto "O noso Samaín", de Loretta Birott, para o alumnado de Ed. Primaria elaborado por diferentes centros de ensino galegos para a celebración do Samaín e do magosto.

XA ESTAMOS DE VOLTA !

Comenza o curso 2021-2022

Damos a benvida aos nenos e nenas de 1º que se incorpora a Primaria, unha nova etapa para seguir aprendendo e para vivir experiencias novas, con amigos e profesores novos que serán os acompañantes neste  camiño por esta etapa.

1º PRIMARIA

2º PRIMARIA

Arrincamos todos o curso coa ilusión de compartir novos proxectos e inquedanzas e como somos un equipo sabemos que xuntos afrontaremos ás dificultades para chegar ao final cun gran ...

BO CURSO A TOD@S !

CHEGARON AS VACACIÓNS !

     Hoxe rematamos o curso  cunha  saída  ao monte  Galiñeiro, case  onde empezamos  ao principio  ,  cun curso por  encher e  cheos de  incertezas pero ...  grazas  ao  comportamento  exemplar dás familias e  do  noso alumnado que  asumiron todas  as  instrucións de  hixiene, uso de máscaras, distancia etc. conseguimos  manter a  presencialidade durante todo o curso.

      A  realidade parece que  é  outra  ,  nós rematamos igual que empezamos, en  burbullas pero  moi contentos por  chegar  xuntos ata ou final e  cheos de  plans para  facer  en vacacións .

Engadimos uns xogos e recursos por idades e temáticas para pasar un ratiño e ...

👉JUEGOS Y ACTIVIDADES ONLINE PARA 1º PRIMARIA

👉JUEGOS Y ACTIVIDADES ONLINE PARA 2º PRIMARIA

Que  disfrutedes tod@s  moito  deste merecido  tempo de  lecer !

ATA O 9 DE SETEMBRO  👋

SAÍDA VIGOZOO !

Hoxe os alumnos de 1º e 2º fixemos un percorrido polo zoo de Vigo.

   A visita guiada  non só foi unha explicación sobre as diferentes especies que habitan en Vigozoo, senón tamén que coñecemos porque están aquí a maioría dos animais, moitos deles víctimas de maltrato.

   Contáronnos as súas tristes vidas ,maltratadas con mil perrerías nos circos ou en cautividade por persoas sen conciencia que mutilaron a súa capacidade de vivir en liberdade e que se non recibirán os coidados do persoal do zoo non serían quen de sobrevivir .

   A nosa guía complementou a visita ensinándonos e explicándonos características de cornamentas de varios animais e ... ata puidemos tocar unha púa enorme dun porco espiño. 

    Pasóusemos a mañá voando !

CONCERTO DE ELENA PAZ

Poñendo a guinda  á nosa celebración da Semana das Letras a  profe Elena  coa colaboración de Davide  González, nos agasallaron  cun estupendo concerto .

Fixeron gozar a todos, en especial  aos  nosos  pequenos por  lembrar non  seu repertorio temas cantados  nas  súas clases ,conseguindo que a  súa actuación tivera  uns coros entrañables. 

Graciñas Elena pola túa música nun día solleiro  !

FESTIVAL LETRAS

Hoxe celebramos o noso Festival das Letras  con moita ilusión de todos por poder estar xuntos , aínda non revoltos, actuando fenomenal  e presenciando en directo as estupendas  actuacións  dos nosos compañeiros .

Aqui tedes unhas fotiños da celebración e a montaxe de video de todas as actuacións e da entrega de premios dos concursos deste trimestre.

 E ... parabéns as gañadoras do noso ciclo ,polo merecido premio no concurso literario "Xoaniña" deste ano. 

HOMENAXEADA LETRAS GALEGAS

Clicade na imaxe superior👆 para entrar nos recursos interactivos propostos e coñecer máis sobre a vida e obra de Xela Arias.

DÍA DO LIBRO

Hoxe o Equipo da Biblioteca percorreu as aulas do cole  para contar o conto " FONCHITO Y LA LUNA " de Mario Vargas Llosa con motivo do DÍA DO LIBRO.

Tedes aquí un video deste precioso conto se clicades na portada do libro e  unhas fotiños coas máns na masa, conmemorando este día.

CHEGOU A PASCUA !

• Lembrar que ampliouse o prazo para entregar os traballos do "CONCURSO FOTOGRÁFICO " ata o 6 de abril.
  
• Podedes ver as exposicións trimestrais no blogue da biblioteca.

   

E para este tempo de lecer ... moito aire libre e uns xoguiños para pasar un ratiño.

CONCURSO FOTOGRÁFICO

Os poemas de Rosalía presentados para escoller son  "ALBORADA" y "LOS ROBLES ".

Atoparédelos no 👉 blogue da biblioteca en formato de imaxe e de video .

IMPORTANTE :

Lembrar enviar as fotografías co título do poema escollido a maiores do nome e curso.

ANIMÁDEVOS !

DESFILE DE ENTROIDO

   Un curso máis chegou o Entroido e este ano… tivemos que celebralo dun xeito diferente.

   Grazas ao tempo e esforzó adicado polo Equipo directivo , o Equipo de “Tiroliro “  e os que sempre están, para botar unha mán nas datas sinaladas … os demais puidemos desfilar para ensinar os nosos disfraces, enchendo por un tempo o noso patio de música, baile e coloridos  disfraces.

   Aquí tedes unhas montaxes de fotos e video do breve pero fantástico  desfile do cole.

DÍA DA PAZ

 O 30 de xaneiro celébrase este día, dedicado a conmemorar nos centros educativos unha cultura de non violencia e paz.

Sen dúbida o que tentamos fomentar todos os días... unha educación inspirada nunha cultura de non violencia e paz que permita ao noso alumnado adquirir coñecementos, actitudes e competencias que reforcen o seu desenvolvemento como cidadáns globais críticos e comprometidos cos seus dereitos e os doutras persoas.

Este curso como a situación de pandemia  invade todo … grazas ao cole por unhas horas case que logramos esquecer a crua realidade que temos ao redor,  inmersos  nas rutinas diarias dás aulas,  aínda así , os nosos pequenos nos fan saber canto  desexan volver a  ter   xuntanzas  cos  seus amigos e familiares .

O equipo dá biblioteca  contou este  contiño " Hasta que podamos abrazarnos ", con motivo desta data sinalada, cheo de  boas  propostas  para  facer  mentres  non  podamos  xuntarnos ou achuchar aos que  máis botamos de menos.