🎄NADAL EN GONDOMAR🎄

O día 17 de decembro fixemos a nosa xa tradicional visita á Vila de Gondomar. Ademais de facer varias xestións: no mercado, en correos, etc. Tamén puidemos catar chocolate quentiño e unhas rosquillas exquisitas.

🎭 SAÍDA POLA CIDADE DE VIGO 🎭

O pasado xoves 12 de decembro fomos a Vigo a gozar dunha obra de teatro, pero aproveitamos para ver o ambiente de Nadal que inunda a cidade, pero tamén para xogar e troulear.

 🎄OBRADOIROS DE NADAL🎄

Despois do magosto xa cheira a Nadal, e para que non nos pille co pé cambiado, este ano damos por inaugurada a tempada festeira que máis nos gusta xuntándonos os nenos e as nenas de 1º e 2º! 

Durante todo o día 3 de decembro puidemos remexer na horta, picar na cociña e argallar unhas postais moi fermosas! Aquí queda un pequeniño resumo.

  🤲🏼 OBRADOIRODOS POLA INCLUSIÓN E A NON VIOLENCIA DE XÉNERO - ANPA-   🤲🏼 

O pasado martes 15 de outubro tivemos a sorte de coñecer a figura de Soledad Peneda, unha gran escultura que non convida a deixar voar a nosa imaxinación que todos e todas levamos dentro, sexamos como sexamos. 

👋🏾 ARRANCAMOS OS MOTORES DO 1º CICLO 👋🏾

Esta semana inauguramos un novo curso, con nov@s compis e nov@s aventuras. E como temos moitas ganas de pasalo ben e troulear, non tardamos nadiña en xuntar os dous cursos. 

Así foi como demos a benvida aos nenos e nenas de 1º EP que xa están como en casa. Queremos aproveitar para mandarlle un saúdo a nosa compañeira Alba que aínda non puido incorporarse pero á que temos moitísimas ganas de ver.

Tamén puidemos comprobar o maiores que están as nenas e os nenos máis maiores do ciclo: o alumnado de 2º EP. 

BO INICIO DE CURSO PARA TOD@S!

🏖️ SAÍDA FINAL DE CURSO: BAIONA ALÁ IMOS! 🏖️

Este ano, para rematar este curso fomos a Baiona, con tódolos nosos compañeiros e compañeiras do cole: grandes medianos e pequenos. Amais de fedellar na praia e mollar un chisco os pés, tamén merendoleamos en gran compañía e probamos tódolos xogos do parque. 

Unha despedida do curso por todo o alto.

🏘️ SAÍDA POLA PARROQUIA DE VINCIOS 🏘️

O pasado 11 de xuño o alumnado de 1º ciclo quixo darlle a benvida ao futuro alumnado de 1º de EP: os nenos e as nenas de 6º de educación infantil. E nada mellor que comezar cuns xogos ao aire libre nos que presentarnos e divertirnos.

Houbo de todo, apertas, carreiras, búsquedas... e moitas, moitas risas. Unha vez emperallados e emparelladas da man de Librincios...

Comezamos a nosa andaina pola beira do río Zamáns para depositar o lixo no lugar que lle corresponde: os colectores de lixo.

 

E despois de tanto traballiño, so podiamos pensar na merenda... e na troula!

De volta no cole aproveitamos para limpar o noso patio e explorar novos xogos en compañía.

Fixádevos ben, canto lixo recollemos: 7 quilos!

                      

Foi unha xornada inesquecible! Volvede cando queirades compis!

🐝 CANTO MÁIS DOCE É A MEL, MÁIS ANDAN AS ABELLAS NEL 🐝 

O pasado xoves 6 de xuño tivemos unha visita moi especial, o papá e a mamá de Anxo e Diego viñeron a vernos ao cole. Diana e Bruno trouxeron con eles unhas amiguiñas moi interesantes: unha morea de abellas!!!

Con moito agarimo e paciencia fóronnos amosando como nacían e vivían estos bechos. Ata puidemos ver unha delas en pleno nacemento. 

Coñecemos a abella raíña e aos seus zánganos. E vimos o moito que traballan as abellas obreiras.

Tamén nos contaron en que consiste o seu traballo e nos amosaron as ferramentas que empregan para poder levalo a cabo.

 

E finalmente vimos unha mostra do froito do seu traballo! 

Moitas grazas por agasallarnos co voso tempo e co voso saber facer.