🎉 ÚLTIMA SEMANA, A FESTA POR DÍA! 🎉

Como non sabemos rematar o curso doutro xeito,  este ano nin ía ser diferente. Esta última semana non tivemos parada, e para mostra un botón.

PETER PUNK

GOLFIÑOS COA NOSA BENQUERIDA PROFE ELENA

A NOSA COMPI MARTA GANA O PREMIO Á PERSOA LECTORA DE PRIMARIA

GRADUACIÓN DOS NOSOS COMPIS E COMPAS DE 5 ANOS

SAÍDA AO PARQUE DE BEADE

MOI FELICES E MERECIDAS VACACIÓNS! 

 💦FESTA DA AUGA💦

Por fin puidemos poñer as nosas ideas a remollo na FESTA DA AUGA! Todo o alumnado de Educación Infantil e de 1º a 4º sacamos as nosas mellores galas praieiras e puxémonos a remollo.

Gozamos de cada un dos 6 xogos:

Pesca na piscina

Xogos de Equilibrio

Mural colorido

Carreira de Esponxa

A corda que pinga

Burbullas ao aire

Pasamos un día chulísimo! Que ganas de repetir!

 💚 🌳 SAÍDA FINAL DE CURSO 2024-25: CORAZÓN DE CARBALLO 🌳 💚

O pasado día 5 de xuño fixemos a nosa saída final de curso, e que mellor, que no día do MEDIOAMBIENTE, pasalo nunha experiencia inmersiva na natureza, rodead@s de animais, prantas e demais seres vivos autóctonos! Aquí podedes ollar un chisquiño de todo o que vivimos.

🫂 ACOLLIDA AS NOSOS FUTUROS COMPIS DE CICLO 🫂

O pasado martes día 3, coincidindo coa semana do medio ambiente e co final de curso, o alumnado de 1º ciclo xuntouse co alumnado de 5 anos para xogar, rir, bailar, cantar e soñar xuntos e xuntas. Foi a nosa forma de darlle a benvida a uns cativos e cativas que están a punto de dar o salto de etapa.

E ollo que isto promete...

📻TRANSMITIMOS POLA RADIO🎤

Para pechar o mes de maio, as persoas vencedoras do certame da xoaniña transmitiron as súas historias pola radio escolar. E como non podía ser doutro xeito, ao alumnado de 1º e 2º tocounos tamén facer a visita. Así que puxémonos mans a obra, e despois de moito ensaiar achegámonos ao micros e narramos as nosas creacións, diante dun público moi esixente: o alumnado de todo o centro.

Foi xenial a experiencia, ata escoitamos os aplausos dende a peceira! Unha marabilla!

🎣 VISITA Á LONXA DE CESANTES 🦑

O pasao 28 de abril, mentres medio país estaba co corazón nun puño polo apagón, nos puidemos gozar dunha saída moi interesante á Cesantes: recoñecemos animais da nosa contorna, coñecemos artes de pesaca variadas e ata probamos o duro que é o marisqueo. Pero como todo esforzo ten a súa recompensa, puidemos probar tamén algunhas tapiñas froito do noso suor! Unha mañá moi completa.

 🤹🏼‍♂️OBRADOIROS DO MES DE ABRIL🤹🏻‍♀️

Antes de comezar as vacacións pasamos un día de xogo, experimentación e larpeiradas xuntos e xuntas. 

Temos as vacacións ben merecidas!!

⚓️ VISITA AO MUSEO DO MAR DE VIGO ⚓️ 

O día 3 de abril visitamos o Museo do Mar de Vigo, e aínda que a mañá comezou pasada por auga, tamén soubemos aproveitar as raiolas de sol que bañaron a contorna. 

Investigamos sobre a Prehistoria e o seu modo de vida e tamén sobre os pobos Castrexos, buscamos peixes e demais fauna mariña. Ata tivemos tempo de xogar cunhas vistas incomparables.

💡 OBRADOIRO CREATIVO DE LEGO 💡 

Nada mais comezar o mes de abril tivemos a ocasión de participar nun Obradoiro con pezas lego que nos animou a pensar ao grande construir sen limites. Foi toda unha experiencia na que conxugamos as pezas de toda a vida coa tecnoloxía de hoxe en día. 

🚶🏻‍♀️🚶🏽 ANDAINA POLA PARROQUIA DE VINCIOS 🚶🏻‍♀️🚶🏽

O pasado venres 28 de marzo, un día solleiro e cheo de enerxía puidemos explorar as rúas da nosa parroquia, e non perdemos detalle. Foi unha xornada marabillosa!

♟️♟️ COMEZANDO CO XADREZ...

O pasado día 25 de marzo contamos coa visita dun mestre do clube de xadrez: Roberto Carlos.

Explicounos moitas cousas interesantes: como se inventou o xadrez, os utensilios que nos fan falta para xogar ao xadrez, etc. Pero tamén que é o deporte da mente! 

Aproveitamos para afondar un pouquiño máis e para comezar a poñer en práctica este novo deporte! 

GRAZAS POLO TEU TEMPO! 

🕊️CONTACONTOS POLA PAZ E A NON VIOLENCIA🕊️

O pasado día 29 de xaneiro, dentro das propostas previstas polo día da paz, puidemos compartir un contacontos na biblioteca organizado pola profe Noe e a profe Montse sobre un conto titulado: A sombra dos anacardios.

Grazas a ese marabilloso conto puidemos coñecer como viven e pensan outras nenas e nenos de diferentes lugares do mundo. Pero tamén nos deu para pensar nos recunchos nos que nós atopamos a PAZ, axudados pola enerxía dos anacardos.

Moitas grazas por darnos tanto no que pensar.

🎄NADAL EN GONDOMAR🎄

O día 17 de decembro fixemos a nosa xa tradicional visita á Vila de Gondomar. Ademais de facer varias xestións: no mercado, en correos, etc. Tamén puidemos catar chocolate quentiño e unhas rosquillas exquisitas.